Astanada joǵalǵan 2 jasar sábı qamys arasynda uıyqtap jatqan jerinen tabyldy
ASTANA. QazAqparat - Astana qalalyq ІІD jergilikti polıtsııa qyzmetiniń qyzmetkerleri joǵalyp ketken 2 jastaǵy sábıdi qamys arasynan tapty. Bul týraly elordanyń ІІD jergilikti polıtsııa qyzmetiniń ınspektory Lázzat Bısembaeva málim etti.
2016 jyldyń 28 tamyzy kúni saǵat 20-08-de Astana qalasynyń Jedel basqarý ortalyǵyna 2 jasar qyzdyń joǵalyp ketkendigi týraly aqparat kelip túsken. Sábı Maıskaıa kóshesi boıynda úıdiń aýlasynda oınap júrgen. Biraz ýaqyttan keıin anasy qyzynyń joq ekendigin baıqaǵan.
Aqparat kelip túsken sátte oqıǵa ornyna polıtsııa qyzmetkerleri jóneltilgen. 2 saǵat boıy polıtsııa qyzmetkerleri balany izdep, kýágerlerden suraǵan, tóńirekti sholyp shyqqan. Saǵat 22-20-da Astana qalalyq ІІD jergilikti polıtsııa qyzmetiniń qyzmetkeri Baǵdáýlet Perneshov úıge taqaý jerde, qamys arasynda uıyqtap jatqan sábıdi taýyp alǵan.
2 jasar sábı ata-anasyna tabystalyp, aldaǵy ýaqytta mundaı keleńsizdikke boı aldyrmaý úshin áńgimelesý júrgizildi.
Jergilikti polıtsııa qyzmeti ata-analardy kishkentaı balalaryn qaraýsyz qaldyrmaýǵa shaqyrady.
