Astanada joǵaldy dep tanylǵan Baqtııar Jamanǵaraev Qaraǵandydan tabyldy
ASTANA. QazAqparat - Birneshe kúnnen beri joǵalyp ketti dep sanalǵan Qazaq gýmanıtarlyq-zań ýnıversıtetiniń túlegi Baqtııar Jamanǵaraev Qaraǵandydan tabyldy. Astana ІІDb aspasóz qyzmetiniń málimetinshe, jas jigit atalǵan qalada jalǵa alynǵan páterde turǵan.
«20 tamyzda Astana ІІD qyzmetkerleriniń izdestirý sharalarynyń barysynda Baqtııar Jamanǵaraevtyń turǵan jeri anyqtaldy. Ol Qaraǵandyda jalǵa alynǵan páterde bolǵan. Qazirgi kezde ol ata-anasymen birge, din aman, densaýlyǵyna zaqym kelmegen», - dep habarlady elorda ІІD baspasóz qyzmetinen.
Polıtsııa dereginshe, quqyqqa qaıshy is-qımyldar bolmaǵandyqtan, jas jigitke qatysty qylmystyq is qozǵalmaıdy.
Esterińizge sala keteıik, 11 tamyz kúni Baqtııar Astana áýejaıynan anasyn kútip alýy kerek bolǵan, alaıda ol áýejaıǵa barmaǵan. Osydan keıin dostary ony izdeýge kiristi. Kóp uzamaı, Jamanǵaraevtyń kóligi de tabyldy. Anyqtalǵanyndaı, kólik lombardqa tapsyrylǵan.
Budan keıin B. Jamanǵaraevty izdeýge polıtseıler men eriktiler kirisken bolatyn.
