Astanada JQS-da elektromobılderdi tegin qýattaýǵa bolady
ASTANA. QazAqparat - «Esil» aýdanyndaǵy Máńgilik el jáne Qabanbaı batyr dańǵyldarynyń qıylysynda jańa janarmaı quıý stantsııasy ashyldy. Kólik basqarýshylar munda elektr avtomobılderdi tegin qýattaı alady dep habarlaıdy elorda ákimdiginiń medıa ortalyǵy .
Stantsııada barlyǵy janarmaıy, gaz jáne dızeldik otyny bar 16 baǵana ornatylǵan. Olardyń tórteýi elektr karlardy qýattaýǵa arnalǵan.
«Jańa janarmaı quıý stantsııasynyń klıentteri elektr mobılderdi qýattaı alady. Qýattaý ýaqyty 40-tan 60 mınýtqa deıin jalǵasady», - «Astana ÁKK UK» AQ-nyń ınvestıtsııalyq jobalar departamenti dırektorynyń orynbasary Artem Kvashýk.
Elordadaǵy jańa janarmaı stantsııalarynyń qurylysy «Astana ÁKK UK» AQ men «Autogas Retail» JShS arasyndaǵy birlesken jobanyń aıasynda júrgizilip jatyr.
«Joba jańa formattaǵy janarmaı quıý stantsııalary keshenin salýdy qarastyrady. Mundaı stantsııalar kóptegen qyzmetterdi kórsetedi. Klıentter bul jerde, sondaı-aq, ózderiniń elektr mobılderin de qýattaı alady», - dedi A. Kvashýk.
Sonymen qatar, janarmaı quıý stantsııasy birneshe kún paneliniń esebinen jaryqtandyrylady.
«Mundaǵy qýat kózderin tutyný energııa únemdeýshi shamdardyń esebinen tıimdi bolmaq», - dep atap ótti ol.
Jańa janarmaı quıý kesheni - birlesken joba aıasynda ashylǵan alǵashqy stantsııa. Kelesi jyldyń qańtarynda osyndaı eki stantsııa jumysyn bastaıtyn bolady.
