Astanada JKO-lardyń kóbin tájirıbeli júrgizýshiler jasaıdy - ІІD ÁPB basshysy
ASTANA. QazAqparat - Apattylyq jaǵdaıyna jasalǵan taldaýǵa qaraǵanda, jol-kólik oqıǵalarynyń basym bóligin kóp jyldyq júrgizýshilik ótili bar orta jastaǵy adamdar jasaıdy.
Bul týraly «QazAqparat» HAA resmı saýalyna jaýap berý kezinde elordalyq Іshki ister departamenti ákimshilik polıtsııa basqarmasynyń basshysy Baqytjan Maılybaev málim etti.
«Máselen, júrgizýshilik ótili 5-ten 10 jylǵa deıin jáne odan joǵary tájirıbesi bar júrgizýshilerdiń kinásimen 59 JKO tirkelip, onyń saldarynan 4 adam qaza bolyp, 81 adam túrli jaraqat aldy. Bunyń sebebine toqtalatyn bolsaq, tájirıbesi joǵary júrgizýshiler ózderin tym senimdi sezinip, tájirıbesi az júrgizýshiler sekildi joldarda saq júrmeıdi», - deıdi ol.
Onyń sózine qaraǵanda, jaqynda júrgizýshi atanǵan azamattar erejelerdi jaqsy biledi jáne JKO-larǵa sırek tap bolady. «1 jylǵa deıingi júrgizýshilik ótili bar adamdardyń kinásimen bolǵan JKO-nyń jalpy sanynda 7 apatqa jol berildi. Onyń saldarynan 8 adam zardap shekti», - B. Maılybaev.
