Astanada jylý magıstralinde apat boldy

ASTANA. KAZINFORM – 2025 jylǵy 26 aqpanda Astanada Dostyq kóshesinde jylý magıstrali zaqymdandy. 

Qalalyq ákimdiktiń málimetinshe, «Kaz Ford Stroı» JShS jeke merdigerlik uıymy júrgizgen jer qazý jumystary kezinde Dostyq kóshesi, 8b mekenjaıyndaǵy  jylý magıstrali zaqymdanǵan.

- «Kaz ford stroı» JShS jeke merdigerlik uıymy Dostyq kóshesi, 8b mekenjaıynda jer jumysyn júrgizý barysynda d-219 jylý trassasyna zaqym keltirdi. Jeke merdigerlik uıym bul jumysty ýákiletti organdardyń jáne «Astana-Teplotranzıt»AQ kelisiminsiz óz betinshe júrgizgen.Oqıǵa ornyna «Astana-Teplotranzıt» AQ apattyq brıgadasy dereý jetti. Brıgada apatty joıý jumysyn júrgizip jatyr, - delingen Astana ákimdigi habarlamasynda.

Eske salsaq, Almatyda jylý qubyry jarylǵan edi.