Astanada jylý aqysy qalaı esepteledi
ASTANA. KAZINFORM – «Astanaenergosbyt» JShS jylýmen qamtýǵa naqty qosylǵan kúnnen bastap esepteý júrgizedi.
24 qyrkúıekten bastap Astanadaǵy turǵyn úılerdi jylýmen jabdyqtaýǵa kezeń-kezeńimen qosý bastaldy, ol birneshe kún ishinde júzege asady.
Kompanııanyń habarlaýynsha, esepteý eki túrde bolýy múmkin – úıdegi esepteý qurylǵylary bar jáne olar joq jaǵdaıda:
- úıde esepke alý qurylǵylary bolsa, olardyń kórsetkishteri boıynsha páterdiń aýdanyna proportsıonaldy jáne jylýmen jabdyqtaý qosylǵan kúnnen bastap júrgiziledi. Bul jaǵdaıda tarıf 3 557,60 teńge/Gkal quraıdy (QQS qosa alǵanda);
- turǵyn úılerde esepke alý uúrylǵylary nemese ýaqytsha jumys istemeıtin esepke alý qurylǵylary bolmaǵan jaǵdaıda – esepteý Astana qalasynyń turǵyn úı qoryn jylytýǵa arnalǵan syrtqy aýanyń naqty temperatýrasyna jáne naqty qosylǵan kún úshin túzetilgen tutyný normalary negizinde júrgiziledi. Esepteý aspaptary joq úıler úshin tarıf 4 279,64 teńge/Gkal (QQS qosa alǵanda).
Kommýnaldyq jylý energııasyn esepke alý qurylǵylaryn ornatýdyń tehnıkalyq múmkindigi joq eski, apatty turǵyn úı-jaılardyń, barak tıpti úılerdiń turǵyndary úshin tarıf – 3 566,37 teńge/Gkal (QQS qosa alǵanda).
Eske sala ketsek, Astanadaǵy áleýmettik nysandar 23 qyrkúıekte jylý júıesine qosyla bastady.
