Astanada jyldyń úzdik sport qaıratkerleri marapattaldy
ASTANA. KAZINFORM – Týrızm jáne sport mınıstrligi jyl saıynǵy «Úzdik» premııasynyń jeńimpazdaryn marapattady. Jeńimpazdar qatarynda Parıj olımpıadasynyń chempıondary, aýyl mamandary jáne úzdik sport uıymdary bar.
Saltanatty keshte Týrızm jáne sport mınıstri Erbol Myrzabosynov 2024 jyl otandyq sport úshin erekshe jyl bolǵanyn atap ótti. Qazaqstandyq sportshylar bıyl halyqaralyq iri jarystarda tabysty nátıje kórsetse, elimizde iri jarystar uıymdastyryldy.
– Bıylǵy jyldyń basty dodasy Parıj Olımpıadasy men Paralımpıada bolǵany anyq. Bizdiń qurama tarıhı jetistikterge qol jetkizdi. Dzıýdoshy Eldos Smetov Olımpıada chempıony atandy. Bul – Táýelsiz Qazaqstan tarıhynda dzıýdodan buıyrǵan alǵashqy altyn medal. Gımnastıkadan alǵash ret Olımpıada medalin jeńip aldyq. Ol júlde Narıman Qurbanovqa buıyrdy. Davıd Degtıarev para-paýerlıftıngten eki dúrkin Paralımpıada chempıony atandy. Para-dzıýdoshy Aqmaral Naýatbek Olımpıada shyńyn baǵyndyrdy, – dedi mınıstr.
Sonymen birge, bıyl Astanada 5-shi Dúnıejúzilik kóshpendiler oıyny uıymdastyryldy. Kóshpendiler dodasyna 89 eldiń úsh myńǵa jýyq sportshysy qatysty. Qazaqstan quramasy jalpy esepte top jardy.
Búginde, ulttyq sportqa qyzyǵýshylyq artyp keledi, elimizde 8 mln astam adam sportpen shuǵyldansa, ulttyq sportpen – 650 myń adam aınalysady.
– Bıyl sport basqarmalarynyń basshylaryn taǵaıyndaý tártibi ózgerdi. Bul Prezıdent tapsyrmasy bolatyn. Sport federatsııalarynyń da jaýapkershili artty. Kelesi jyly otandyq sportshylardy birneshe mańyzdy báseke kútip tur. 2025 jyldyń aqpan aıynda 130-dan astam sportshyymyz Qytaıdyń Harbın qalasynda ótetin qysqy Azııa oıyndaryna qatysady. Keler jyly qysqy Olımpıada lıtsenzııalary taratylady, jarystardan barynsha kóp joldama alýǵa tıispiz, – dedi Erbol Myrzabosynov.
Osylaısha, jyl qorytyndysy boıynsha Eldos Smetov pen Davıd Degtıarev «Jyldyń úzdik sportshysy» atandy. Al olardyń jattyqtyrýshylary – Ǵalymjan Jylgeldıev pen ıÝrıı Kolesnıkov «Jyldyń úzdik jattyqtyrýshysy» marapatyn aldy.
Grek-rım, erkin jáne áıelder kúresi federatsııasy «Jyldyń úzdik akkredıttelgen sport federatsııasy» atalymynda top jardy.
Sondaı-aq, Qazaqstan dzıýdo federatsııasynyń prezıdenti Kýanyshbek Esekeev «Jyldyń úzdik akkredıttelgen sport federatsııasynyń prezıdenti», «Jamby atý federatsııasy» RQB prezıdenti Erkebulan Іlııasov – «Úzdik sport metsenaty» atandy.
Bul rette Aqtóbe oblysy Muǵaljar aýdany Embi qalasynda turatyn Ǵızat Túsipbaev «Jyldyń úzdik aýyl jattyqtyrýshysy» júldesimen marapattaldy.
«Aýyldyq jerdegi úzdik dene shynyqtyrý jáne sport ádiskeri» atalymynda – Erlan Tasbolatov, «Aýyldyq jerdegi úzdik dene shynyqtyrý jáne sport nusqaýshysy» atalymynda – Darhan Sharıǵatov, «Aýdandyq úzdik dene shynyqtyrý jáne sport bólimi» atalymynda – Maqat aýdandyq mádenıet, tilderdi damytý, dene shynyqtyrý jáne sport bólimi top jardy.
«Jyldyń úzdik sport uıymy» – Almaty qalasyndaǵy «Joǵary sport sheberligi mektebi» bolsa, «Úzdik sporttyq óńir» júldesimen – Jambyl oblysy ákimdiginiń dene shynyqtyrý jáne sport basqarmasy marapattaldy.
«Jas jáne jasóspirimder quramyndaǵy sportshy» – Ilıa Mızernyh, «Jyldyń úzdik balalar jattyqtyrýshysy» – Sergeı Sergeev, «Dene shynyqtyrý jáne sport salasyndaǵy úzdik maman» baǵytynda – Nadejda Kım úzdik atandy.
Paradzıýdodan XVII jazǵy Paralımpııa oıyndarynyń jeńimpazy Aqmaral Naýatbek – «Sporttaǵy úzdik serpin» júldesin aldy.
Sonymen birge, BAQ ókilderi Jandos Aıtbaıuly («Habar» telearnasy), Qýanysh Nurdanbekuly («Egemen Qazaqstan» gazeti), Nazerke Sultanbek («Sport+» saıty) – Seıdahmet Berdiqulov atyndaǵy premııanyń laýreattary atandy.
Eske sala keteıik, buǵan deıin Harbın-2025 Qysqy Azııa oıynynda el namysyn qansha sportshy qorǵaıtynyn jazǵan bolatynbyz.