Astanada «Jyl volonteri» halyqaralyq syılyǵynyń laýreattary anyqtaldy
ASTANA. KAZINFORM — Astanada «Jyl volonteri» halyqaralyq syılyǵy men «Igi ister marafonynyń» 70 laýreaty marapattaldy, dep habarlaıdy Mádenıet jáne aqparat mınıstrliginiń baspasóz qyzmeti.
Astanada «Jyl volonteri» halyqaralyq syılyǵyn tabystaý rásimi ótip, «Igi ister marafony» respýblıkalyq jobasy qorytyndylandy.
Іs-shara Halyqaralyq volonterler kúni aıasynda jáne Turaqty damý maqsattaryndaǵy Halyqaralyq volonterler jylynyń resmı bastalýy qarsańynda uıymdastyryldy.
Atalǵan jyldy jarııalaý bastamasyn Qazaqstan Respýblıkasynyń Prezıdenti Qasym-Jomart Toqaev kótergen bolatyn.
Jyldyń resmı ashylýy BUU-nyń Nıý-Iorktegi Shtab-páterinde ótedi.
Aıta keteıik, «Jyl volonteri» syılyǵy Memleket basshysynyń bastamasymen 2020 jyldan beri jyl saıyn tapsyrylyp keledi. Osy ýaqytqa deıin 297 volonter laýreat atandy. 2025 jyly syılyqtyń laýreattary atanǵan 46 qazaqstandyq volontermen qatar, Ázerbaıjan, Qyrǵyzstan, Reseı jáne Túrkııadan kelgen 4 volonter marapattaldy. Olardyń barlyǵy áleýmettik mańyzy bar máselelerdi sheshýge, volonterlikti damytýǵa jáne osy saladaǵy halyqaralyq yntymaqtastyqty nyǵaıtýǵa baǵyttalǵan jobalary men bastamalarynyń nátıjelerin usyndy.
Sonymen qatar búgin «Igi ister marafony» respýblıkalyq jobasynyń qorytyndylary jarııalandy. Marafon barysynda qazaqstandyqtar 9 myńnan astam ıgi is atqardy. Baıqaý nátıjesinde eń joǵary belsendilik tanytqan 20 jeńimpaz anyqtaldy. Jalpy, jobaǵa 40 myńǵa jýyq qazaqstandyq qatysty.
Budan buryn QR Premer-mınıstriniń orynbasary – mádenıet jáne aqparat mınıstri Aıda Balaeva eriktilerdi merekesimen quttyqtaǵanyn jazǵanbyz.