Astanada jyl sońyna deıin segiz jańa mektep ashylady

ASTANA. KAZINFORM — Elordada jańa bilim berý nysandary — mektepter, balabaqshalar jáne kópfýnktsııaly keshenderdiń qurylysy jalǵasyp jatyr.

2025 jyly Astanada eki aýysymda 43 744 oqýshyǵa arnalǵan 14 mektep ashý josparlanǵan. Onyń ishinde 7 — jaıly mektep, 4 — BIP jobasy boıynsha, jáne 3 — jeke mektep.

— 1 qyrkúıekke qaraı 24 myń orynǵa arnalǵan 6 jaıly mektep paıdalanýǵa berildi. Jyl sońyna deıin qalǵan 8 mektepti 19 744 orynmen iske qosý josparlanyp otyr, — dep habarlady qala ákimdiginiń bilim basqarmasy Kazinform agenttiginiń suraýyna bergen jaýabynda.

Mektepterden bólek, bıyl 600 oryndyq eki jańa balabaqsha — №99 jáne №100 — ashylady. Qazirgi ýaqytta olardy paıdalanýǵa berý daıyndyǵy júrip jatyr. Sonymen qatar, 750 oryndyq kópfýnktsııaly keshenniń qurylysy júrgizilýde, nysanda qurylys-montaj jumystary jalǵasyp jatyr.

Buǵan deıin Astanada úsh aýysymda oqytatyn tórt mekteptegi jáne asyra tolǵan jeti mekteptegi oqýshylardyń kóptigi máselesin sheshý jospary týraly habarlanǵan edi.

Al 1 qyrkúıekte Qazaqstanda 83 jańa mektep ashyldy.