Astanada jyl basynan beri 14 myńnan astam adam jumysqa ornalastyryldy

ASTANA. KAZINFORM – Elordada eńbek naryǵyndaǵy jaǵdaı turaqty jáne erekshe baqylaýda tur. Qalada turǵyndardy jumyspen qamtýǵa járdemdesý jáne jumyssyzdyqpen kúres boıynsha júıeli jumys júrgizilip jatyr. Jyl basynan beri atalǵan sharalarmen 14 350 adam qamtyldy, olardyń jartysynan kóbi – jastar.

Astana qalasy ákimdiginiń málimetinshe jyl basynan beri elordada turaqty jumys oryndaryna 2 363 adam, qoǵamdyq jumystarǵa 3 107 adam, «Jastar praktıkasy» baǵdarlamasy boıynsha 614 adam, áleýmettik jumys oryndaryna 257 adam, «Kúmis jas» jobasy aıasynda 717 adam jumysqa ornalastyryldy. «Bastaý Bıznes» jobasy boıynsha 2 885 turǵyn oqýdan ótti, suranysqa ıe daǵdylar boıynsha onlaın oqytýǵa 1 199 adam, áleýmettik kásibı baǵdarlaýǵa 2 978 adam, kásibı oqytýǵa 72 adam qatysty.

Kásipkerlik bastamalardy qoldaý aıasynda elordada jańa bıznes-ıdeıalardy iske asyrý úshin 400 AEK-ke deıin granttar beriledi. Baǵdarlama eki kezeńnen turady. Ekinshi leginiń qorytyndysy boıynsha áleýmettik osal toptaǵy azamattarǵa 126 grant berildi.

«Elektrondyq eńbek bırjasy» ınternet-portalynda 748 jumys berýshi usynǵan 7 566 bos jumys orny ornalastyrylǵan.

Jumyssyzdardyń, onyń ishinde jastar men jekelegen sanattaǵy azamattardyń jumyspen qamtylý múmkindikterin keńeıtý maqsatynda Astanada 40 bos jumys oryndary jármeńkesi ótkizildi.

Jumys oryndaryn qurýdyń óńirlik kartasyn iske asyrý aıasynda 59 926 jumys orny ashyldy.

(53 136 – turaqty, 6 790 – ýaqytsha):
jobalar aıasynda – 8 072 jumys orny;
jeke bastamalar (10 myń adamǵa 100 jumys orny) – 49 491;
bos jumys oryndaryna jumysqa ornalastyrý – 2 363.

Aıta ketelik bıyl taý-ken salasynda 6,5 myń jańa jumys orny ashylady.