Astanada «Jıdebaı» jylnamalyq jýrnalynyń jáne S.Aronulynyń «Bórili meniń baıraǵym» jınaǵynyń tusaýkeseri ótedi

Halyqaralyq Abaı klýbynyń qurylǵanyna byltyr 10 jyl toldy. Atalǵan klýbtyń janynan jaryq kórip jatqan "AMANAT" jýrnalynyń 200 tomdyq kitaphanasy - álem halyq­tary ádebıetiniń, óneriniń, tarıhynyń, fılosofııasynyń úzdikterimen oqyrmandy qaýyshtyrar áleýmettik qubylys. «Amanat» jýrnaly kitap­hana­synyń kitaptary ishki baı maz­muny­men, dızaın órneginiń ádemi­ligimen qazaq halqynyń bolasha­ǵy­na degen mol mahabbatymen erek­shelenedi.

Halyqaralyq Abaı klýbynyń ómirge kelýine bata bergen Elbasy Nursultan Nazarbaevtyń «Amanat» jýr­naly­nyń 200 tomdyq kitaphanasyna alǵysózinde Otanyn sheksiz súıgen, kitapty ardaqtaǵan azamattyń asyl oı-pikiri jatyr. «Kitap - ýaqyt pen keńistiktiń tynysyna toly adamzat oıynyń jemisi. Kitap - eń sabyrly ustaz. Tek kitap qana qaıyrymdylyq pen qaty­­­gez­diktiń, aqıqat pen jal­ǵan­nyń arajigin aınytpaı tanyp bilýge úıretedi», deıdi Elbasy.

Búgingi kúni «Amanat» jýrnalyn dúnıeniń 20-dan astam eli oqıdy. «Amanat» jýrnalynyń betterinde álemniń 40-tan astam ádebıeti jurtshylyq nazaryna usynylady. Bıylǵy jyldan bastap, «Amanat» jýrnalynyń janynan taza qazaq tilinde ádebı, saıası, pálsafalyq dinı «Jıdebaı» jylnamalyq jýrnaly shyǵaryla bastady. Atalǵan jýrnalda 2010 jyly álem qalamgerleri týdyrǵan úzdik prozalyq jáne poezııalyq shyǵarmalar iriktelip berilgen. Bul basylymdy jylyna bir márte shyǵarý kózdelip otyr.

Qazaq poezııasynyń jarqyn ókili Súıinbaı Aronulynyń «Bórili meniń baıraǵym» basylymy da qazaq ádebıetin nasıhattaý maqsatynda jaryq kórgen eleýli eńbekterdiń biri. Kitapqa Súıinbaı aqynnyń otty óleńderimen birge aıtystary sondaı-aq, aqyn shyǵarmashylyǵyn zertteýshi S.Sadyrbaev, M.Joldasbekov sekildi ǵalymdardyń maqalalary engizilgen.