Astanada «Jibek joly» zaly ashyldy
ASTANA. QazAqparat - Azııadaǵy ózara yqpaldastyq jáne senim sharalary jónindegi keńestiń xatshylyǵy óziniń májilis zalyn zamanaýı texnologııalarmen jabdyqtaldy, dep xabarlaıdy QazAqparat tilshisi.
Hatshylyqtyń atqarýshy dırektory Gýn Tszıanveıdyń aıtýynsha, májilis zaldaǵy barlyq beıne jáne aýdıo qurylǵylardy onlaın rejımde basqarýǵa bolady.
«Máselen, spıkerlerdiń bireýi mıkrofondy qossa, ortada turǵan kamera birden oǵan qaraı burylyp, vıdeosyn úlken ekranǵa shyǵaryp otyrady. Barlyǵy avtomatty túrde jasalady. Al aıpadtyń kómegimen slaıdtar men vıdeo materıaldardy eki jaqta qatar, ıa bolmasa, bólek-bólek kórsetýge bolady. Budan bólek, ortada taǵy alty teleekran ornatylǵan. Al sınxrondy aýdarmanyń 16 arnasy bar. Jalpy, spıkerler úshin óte yńǵaıly. Beınetúsirilim de avtomatty túrde júrgiziledi. Otyrys ótkennen keıin daıyn materıaldy ala salýǵa bolady», - deıdi G.Tszıanveı.
Májilis zaldyń ashylýyna QR Syrtqy ister mınıstri Qaırat Ábdiraxmanov jáne dıplomatııalyq mıssııalardyń basshylary qatysty.
«Úkimet úıiniń májilis zalynda da qural-jabdyqtardyń birazyn aýystyrdy. Qazir jańa monıtor, noýtbýktar bar. Biraq bundaı emes», - dep atap kórsetti Q.Ábdiraxmanov.
Mamandardyń sózine qaraǵanda, májilis zaldy zamanaýı texnıkamen jabdyqtaýǵa 400 myń AQSh dollary jumsaldy. Ol jerde shamamen 300 san alýan qurylǵy bar. 
