Astanada «Jibek joly» halyqaralyq festıvaliniń aıasynda «Birjan-Sara» operasy qoıylady
ASTANA. QazAqparat - «Astana Opera» teatry óziniń jaińa maýsymyn tuńǵysh «Jibek Joly» halyqaralyq festıvali sheńberinde 20 qyrkúıekte «Birjan-Sara» operasyn qoıady. Bul týraly teatrdyń baspasóz qyzmeti habarlady.
Birjan partııasyn búgingi kúnniń kórnekti tenory, osy partııany úzdik oryndaýshylardyń biri - Ahmet Aǵadı usynady. Reseıdiń eńbek sińirgen ártisi, Tatarstannyń halyq ártisi, Saranyń rolin somdaıtyn respýblıkamyzdyń eńbek sińirgen qaıratkeri, jarqyraǵan opera ánshisi Aıgúl Nııazovamen birge shyrqaıdy.
Analyqtyń partııasyn sezimtal, júrekti eljiretetin Dına Hamzına oryndasa, qyzǵanshaq Altynaıdy Jannat Baqtaı oınaıdy, Estaı partııasynda - Beıimbet Tańaryqov.
Qazaqtyń kompozıtory Muqan Tólebaevtiń umytylmas týyndysy - «Birjan-Sara», Abzal Muhıtdınovtyń jańa mýzykalyq redaktsııasynan ótip, ıÝrıı Aleksandrovtyń qoıylymynda 2013 jyldyń 21 maýsymynda «Astana Operada» tusaýy kesilgen bolatyn.
«Birjan-Sara» operasy tek Qazaqstan teatrlarynda ǵana emes, sondaı-aq, Almanııa, Túrkııa, Reseı, Ózbekstan jáne basqa elderde joǵary jetistikpen oryndalýda. Týyndy alǵash ret Almatyda Abaı atyndaǵy memlekettik akademııalyq opera jáne balet teatrynda 1946 jyldyń 7 qarashasynda qoıylǵan edi. Alǵashqy oryndaǵandar: Birjan partııasynda - Ánýar Úmbetbaev, Sara partııasynda - Kúlásh Baıseıitova. Reseıde Máskeý qalasynda 1948 jyly qoıylǵan bul shyǵarma talǵampaz óner súıer qaýymnyń, bilikti teatr synshylarynyń joǵary baǵasyna ıe boldy.
Muqan Tólebaevtiń «Birjan-Sara» operasy jastar arasynda keńinen tanyla bastady. «Astana Opera» júrgizgen marketıngtik zertteýge súıensek, teatrdyń birinshi maýsymynda atalǵan spektaklde bolyp, saýalnamaǵa qatysqandardyń jartysynan astamynyń jasy 18 ben 30 arasyn quraǵan. Kópshilik, ulttyq operaǵa, onda kóteriletin taqyryptyń mańyzdylyǵy men ózektiligine degen qyzyǵýshylyqty atap ótti.
