Astanada jezókshelikke jol bergen saýna qojaıyndary jazalandy
ASTANA. QazAqparat - Astana polıtseıleri «STOP trafık» jedel aldyn alý sharasyn ótkizdi. Atalmysh shara adam saýdasyna baılanysty qylmystardan eskertý, ol qylmystardyń jolyn kesý jáne ashý maqsatynda uıymdastyrylyp otyr, dep habarlaıdy QazAqparat tilshisi.
Qylmystyq polıtsııa basqarmasynyń qyzmetkerleri jezókshelikpen aınalysýǵa arnalǵan prıtondardy uıymdastyryp, ustaǵany úshin Astana qalasynyń eki saýnasy men 1 massaj salonynyń ákimshilerin qylmystyq jaýapkershilikke tartty.
«Reıd sharasyn ótkizý barysynda aqyly qyzmet kórsetken 30 boıjetken polıtsııaǵa jetkizildi. 8 adamǵa qatysty tirkeýsiz nemese qujatsyz júrgen, jeke bas kýáliginsiz júrgeni úshin QR ÁQBtK 492-baby boıynsha ákimshilik hattama toltyryldy. Tynyshtyqty buzǵany úshin 4 adam ákimshilik jaýapkershilikke tartyldy», - delingen habarlamada.
Sonymen qatar, jezókshelikpen aınalysý úshin ádeıi nysanyn bergeni úshin eki adam ákimshilik jaýapkershilikke tartylyp otyr.
