Astanada jetistikke jetken isker azamattar jastarmen kezdesedi
ASTANA. QazAqparat - Astana jastary jetistikke jetken kásipkerler, «Qazaqstannyń 100 jańa esimi» jobasynyń jeńimpazdary bir alańda kezdesedi, dep habarlaıdy QazAqparat Elorda Infoǵa silteme jasap.
30 qazanda elordada «Astana jastar forýmy - 2018» sharasy ótedi.
Forým - Astananyń talantty jastar qaýymdastyǵyn qalyptastyratyn ınnovatsııalyq ınfraqurylymy bar avtonomdy alań. Joba jastar uıymynyń ókilderi, JOO men kolledj stýdentteri, shyǵarmashylyq ıntellıgentsııa, Astananyń belsendi jastary sekildi birneshe aýdıorııaǵa baǵyttalady.
Qatysýshylar úzdik spıkerler, bıznes sarapshylary, tanymal ekonomıster, sportshylarmen, bıznes-trenerlergen suraq qoıyp, erkin pikirlese alady. Jıynda jetistikke jetken adamdar óz ómirin úlgi ete otyryp, múmkin emes eshteńe joqtyǵyn, qorqynysh pen kúdigin jeńip shyqqan sátterin aıtyp beredi.
Forým spıkerleriniń qatarynda Rasýl Abdýllaev bar, ol Yuframe vaın-komandasynyń negizin qalaýshy, Máýlen Bekturǵanov - Mvionics kompanııasynyń qalaýshysy, Andreı Sýdakov - 2GIS Astana jobasyn jasaýshy, Álen Túlkibaev - Astana kásipkerler palatasynyń dırektory, Armanjan Rýzahýnov - brazılııalyq djıý-djıtsýden álem chempıony jáne basqalar bar.
Kelýshiler «Qazaqstannyń 100 jańa esimi» jobasynyń jeńimpazdary Serik Esmatov pen Alekseı Lodochnıkovpen de kezdese alady.
Shara «Nomad city hall» kontsert zalynda ótedi.
