Astanada jeti aıda 146 myńǵa jýyq azamat tólqujat aldy
ASTANA. QazAqparat – Elordada jeti aıdyń ishinde azamattarǵa 145 965 Qazaqstan tólqujaty (pasport) men jeke kýáligi berildi. Bul týraly qalalyq poltsııa departamenti kóshi-qon qyzmeti basqarmasynyń basshysy Erbol Mahmetov málim etti, dep habarlaıdy QazAqparat tilshisi.
«Azamattarǵa jeke basyn kýálandyratyn qujattardy berý mehanızmi jetildirilip keledi. Bıyl 7 aıda azamattarǵa 145 myń 965 tulqujat (pasport) pen jeke kýálik ázirlenip, berildi. Qujattardy daıyndaýǵa ketetin ýaqyt qysqartyldy (jalpy tártippen 20 jumys kúni, jedeldetilgen tártipte 1 jáne 3 jumys kúninde daıyn bolady). Sonymen qatar «Azamattarǵa arnalǵan úkimet» memlekettik korporatsııamen birlese otyryp óz betinshe júrip-turýy qıynǵa soǵatyn 128 azamattyń úıine baryp qujattar rásimdeldi», - dedi Erbol Mahmetov polıtsııa departamentinde ótken baspasóz máslıhatynda.
Sondaı-aq spıker endigi ýaqytta azamattardan keıbir qujattyń talap etilmeıtinin aıtty.
«Іshki ister mınıstrliginiń aqparattyq júıelerin AHAJ-ben ıntegratsııalaý arqyly jalǵan qujattar anyqtalady. Sonymen qatar qujattar ázirleýde, berýdegi ákimshilik jáne basqa da kedergiler de joıylady. Biz azamattardan tegin, týǵan kúni men týǵan jerin, azamattyǵy jáne basqa da aıqyndamalyq derekterin ózgertkeni týraly qujattaryn talap etpeımiz. Bıyldan bastap jeke basyn kýálandyratyn qujattardy alǵan nemese aýystyrǵan kezde saýsaq izin engizýdi júzege asyrý josparlanyp otyr. Bul jalǵan qujatpen kúreste jumysty jeńildetedi», - deıdi ol.
