Astanada jertóledegi eki tseh joıyldy
ASTANA. 4 maýsym. QazAqparat - Astanada aýdıokórneki kontrafaktili ónimderdi daıyndap kelgen 2 jertóle tsehy áshkerlendi.
Astana.kz saıtyna elordalyq Ádilet basqarmasynyń baspasóz qyzmetinen habarlaǵanyndaı, jertóledegi tsehtardy «Zańsyzdyq», «Qamtý» shuǵyl-aldyn alý is-sharalary kezinde Zııatkerlik menshik quqyǵy bólimi men qalalyq ІІD BB «K» bólimshesiniń qyzmetkerleri anyqtady. Shuǵyl-aldyn alý is-sharalary elordada 27-31 mamyr aralyǵynda ótkizildi.
«Іs-sharalar barysynda Jambyl oblysy men Reseı Federatsııasynyń eki azamaty ustaldy», - delingen vedomstvo habarlamasynda.
Turǵylyqty jerlerin tintý kezinde 3 protsessor 7 DVD túrindegi, túrli-tústi prınter, kontrabandalyq faktilerdiń belgisi bar 1 834 DVD dıski, 18 dıskige arnalǵan bos qorap, dıskige arnalǵan 8 býma tsellofan paket, A-4 formatyndaǵy 8 fotoqaǵaz býmasy, 300 dana fılm attary jazylǵan polıgrafııa jáne 150 bos dısk tabyldy.
"Tárkilengen ónimder men ustalǵan adamdar QR qylmystyq-protsessýaldyq zańnama talaptaryna sáıkes, ishki ister organdaryna jetkizildi. Saraptama taǵaıyndaldy",- dep habarlady vedomstvodan.
Eske salaıyq, 31 mamyrda Astana qalasy Ádilet departamentiniń 2013 jyldyń 2 toqsanyna arnalǵan Jumys jospary aıasynda Zııatkerlik menshik bólimi Astana qalasy ákimdigimen birge kontrfaktili ónimderdi kópshilik aldynda joıý boıynsha keń aýqymdy aktsııa ótkizdi. Jol tegisteıtin mashınanyń kómegimen qalalyq polıgonda 150 000 danadan astam kontrafaktili dıskiler joıyldy.
Departament aýdıokórneki kontrafaktili ónimderdi satý «Avtorlyq jáne aralas quqyq týraly» Zańdy óreskel buzý bolyp tabylatynyn qatań eskertedi. Ol memleketke qarjylyq shyǵyn keltirip, Qazaqstan Respýblıkasynda zııatkerlik jáne mádenı áleýettiń damýyna kedergi keltiredi.
