Astanada jerlerdi zańsyz basyp alýǵa qarsy arnaıy qurylym jumys isteıtin bolady
«Biz menshikti zańdastyrý naýqany kezeńinde jer ýchaskelerin zańsyz basyp alýdy boldyrtpaý maqsatynda arnaıy qurylym qurýdy qolǵa alamyz. Bas josparǵa sáıkes kelmeıtin, kez kelgen jerge nysan nemese baspana salyp, keıin ákimdikten naryqtyq baǵaǵa satyp alýǵa májbúrleıtinderdiń is-qımylyna tosqaýyl qoıamyz. Biz ondaıǵa barmaımyz», - dedi ákim.
Osyndaı keleńsiz jaǵdaılardyń birin I.Tasmaǵambetov mysal retinde keltire ketti. Komsomol shaǵyn aýdanynda menshik ıesi dál joldyń ústine úı salyp qoıǵan, osylaısha zańdy salynǵan baspana ıelerine úlken jaısyzdyq týdyrǵan.
«Maǵan aryz-shaǵym kelip túsedi. Máseleni taldaı kele anyqtaǵanymyz, ol úıdi zańdastyrý naýqany kezinde zańdastyryp alǵan. Túıtkildi sheshý kerek boldy. Ol zańdastyrylǵan bolǵandyqtan, zańdy keri qaıtara almaısyń. Sondyqtan ákimdik ol úıdi naryqtyq baǵamen satyp alyp, ony syryp tastaýǵa májbúr boldy», - deıdi I.Tasmaǵambetov.
