Astanada jer úılerdiń biri órtendi
ASTANA. QazAqparat - Búgin Astanada jekemenshik úı dúkenimen birge órtendi. Atalmysh aqparatty QR ІІM Tótenshe jaǵdaılar komıtetiniń resmı ókili Rýslan Imanqulov rastady, dep habarlaıdy «QazAqparat» HAA tilshisi.
«Búgin 2018 jyldyń 6 qańtarynda, tańǵy saǵat 9-dar shamasynda «Kóktal-2» shaǵynaýdanynda ornalasqan jer úılerdiń biriniń shatyrynan órt shyqty. Órt sóndirýshilerdiń kúshimen, saǵat 10:14 pen 10:59 aralyǵynda tilsiz jaý tolyqtaı aýyzdyqtaldy. Órt shalǵan aýmaq 150 sharshy metrdi qurady»,-dep málimdedi ol.
Resmı ókildiń aıtýynsha, oqıǵadan eshkim zardap shekken joq. Jalyndy sóndirýge Astana qalasy jeke quramynyń 21 adamy jumyldyrylyp, mamandandyrylǵan órt sóndirýshi 5 arnaıy tehnıka birligi tartylǵan.
«Keltirilgen málimetterge sáıkes, órttiń shyǵýyna kómirmen janatyn pesh aqaýy sebep bolýy múmkin. Azamattardy abaı bolýǵa shaqyramyz. Peshti qoldanǵan kezde saq bolyńyzdar»,-dedi Rýslan Imanqulov.
