Astanada jer ýchaskesin alý júıesi jeńildetiledi
ASTANA. QazAqparat - Qurylys júrgizý úshin jer telimderin berý jeńildetilgen shemamen júzege asyrylady. Bul týraly Astana qalasy máslıhatynyń 41-shi kezekten tys sessııasynda Sáýlet jáne qala qurylysy basqarmasynyń basshysy Vıtalıı Sıletskıı málimdedi, dep jazady astana.gov.kz.
«Ruqsat berý eki kezeńmen júrgiziledi. Birinshisi, tekserý, izdeý jumystaryn júrgizýge jáne jer ýchaskelerin jobalaýǵa ruqsat berý. Ekinshisi, qurylys júrgizý úshin ýchaskeler bólý. Jer ýchaskesin alýǵa nıetti kásipker Astana qalasynyń búgingi josparyn óz betinshe qaraıdy, maqsatty jer ýchaskesiniń josparly ornalasatyn jerin anyqtaıdy. Sodan keıin ótinishin tirkep, shemany Astana qalasynyń Jer qatynastary basqarmasynyń qaraýyna usynady», - dedi ol.
Ruqsat berý jańa tehnologııalardy qoldana otyryp, avtomattandyrylady. Vıtalıı Sıletskııdiń atap ótýinshe, ótinish berýshiniń udaıy kelip júrýi nemese túrli memlekettik organdarǵa barýy qajet emes. Onyń ústine, eshqandaı tólemder jasalmaıdy, bastapqy ruqsat qujattaryn ázirleý jergilikti bıýdjet esebinen júrgiziledi, sondaı-aq, qujattardy qaraý merzimi eki ese qysqarady, endi bul úshin burynǵydaı 60 emes, 30 jumys kúni ǵana kerek.
