Astanada jer ýchaskeleriniń jaldaý quqyǵyn satý boıynsha aýktsıon ótedi
ASTANA. QazAqparat - Ónerkásiptik-azamattyq maqsattaǵy obektilerdi jobalaý jáne salý men ýaqytsha obektilerdi ornalastyrý úshin jer ýchaskeleriniń jaldaý quqyǵyn satý boıynsha aýktsıon Astana qalasynyń ákimdigi ǵımaratynda saǵat 15:00 ótedi, dep habarlady qalalyq ákimdiktiń baspasóz qyzmetinen.
Jer qatynastary basqarmasynyń habarlaýynsha, búgin aýktsıonda satýǵa 21 jer ýchaskesi usynylyp otyr. Aýktsıon aǵylshyndyq ádis boıynsha ótedi (bastapqy baǵasynyń ósýine qaraı). Aýktsıonǵa 120 qatysýshy tirkeldi, jalpy, 120 jer ýchaskesi satýǵa shyǵarylady. Saýda-sattyqta belgilengen ýchaskeniń aýktsıondyq quny 50% mólsherdegi avanstyq tólem satyp alý-satý shartyna qol qoıylǵannan keıin 5 banktik kúnnen keshiktirilmeıtin merzimde tólenedi, al qalǵan soma satyp alý-satý shartyna qol qoıylǵan kúnnen bastap kúntizbelik 30 kúnnen keshiktirilmeı engizilýi qajet.
