Astanada «Jer saǵaty - 2018» halyqaralyq aktsııasy ótedi

«Jasyl ekonomıka» jáne G-Global-dy damytý koalıtsııasy» baspasóz qyzmetiniń málimetinshe, saǵat 20:30-da bir mezette Beıbitshilik pen kelisim saraıynyń, Táýelsizdik saraıynyń, Astana tsırkiniń, «ALJIR» murajaıly-memorıaldy kesheniniń, «Astana - Báıterek» monýmentiniń, «MEGA Silk Way» SOSO, «Saryarqa» SOSO, Nazarbaev Ýnıversıtetiniń, Seıfýllın atyndaǵy QATÝ bas ǵımaratynyń, «Alaý» muzaıdyny saraıynyń, M. Gorkıı atyndaǵy orys drama teatorynyń, Q. Qýanyshbaev atyndaǵy qazaq drama teatrynyń jáne basqa da ǵımarattar men eskertkishterdiń jaryqtary 1 saǵatqa óshiriledi.

2018 jyly aktsııa «Jermen baılanysta bol» taqyrybynda ótedi. Osyǵan deıin ótken sharalar qaýipsiz azyq-túlik ónimderimen, ǵalamdyq jylyný jáne ekologııalyq sana-sezimmen baılanysty boldy.

«Jer saǵaty» - bul ǵalamshardaǵy eń aýqymdy ekologııalyq aktsııa. Oǵan búkil álem boıynsha 2 mlrd  astam adam qatysyp, 175 eldiń 7000 qalasynan turǵyndar qosylady. Aǵymdaǵy jyly Qazaqstannyń barlyq aımaqtary jyldyń eń aýqymdy ekologııalyq oqıǵasyna qatysady. Almaty qalasynda «Kók tóbe» telemunarasy men qala ákimdiginiń jaryqtandyrylýy óshiriledi. Aktsııany Aqmola, Almaty, Qaraǵandy, Qostanaı, Shyǵys Qazaqstan, Jambyl, Batys Qazaqstan, Qyzylorda, Mańǵystaý, Pavlodar, Ońtústik Qazaqstan oblystary qoldap otyr.