Astanada jer daý-damaılary jıi bolyp jatady
ASTANA. 24 sáýir. QazAqparat - Ótken jyly Astanada jer daý-damaılaryna qatysty 600-den astam is qaraldy. Onyń ishinde 450 is jer ýchaskelerin memlekettiń menshigine qaıtaryp alýǵa qatysty. Búgin elordada ótken jıynda Astana qalasy sotynyń sýdıasy Asqar Súleımenov osylaı aıtty.
«Bul - úlken kórsetkish, ıaǵnı bir jyldyń ishinde jerge qatysty qaralǵan isterdiń 65,5 paıyzy», - deıdi A.Súleımenov. Onyń aıtýynsha, búginde Astana qalasynyń aımaǵy keńeıip keledi. Osyǵan oraı jer ýchaskelerin memlekettiń menshigine óndirý boıynsha kóptegen daý-damaılar týyndap jatady. Onyń basym bóligi áli kúnge óz sheshimin tapqan joq. Ásirese, Saryarqa aýdany boıynsha jerge qatysty sot isteri baıaý qaralady. Onyń ishinde «Óndiris» jataqhanasy turǵyndarynyń isi de bar.
