Astanada «Jer - bizdiń ortaq úıimiz» ulttyq kórme-konkýrsyyń jeńimpazdary marapattaldy
ASTANA. 25 maýsym. QazAqparat - Búgin Baýyrjan Momyshuly atyndaǵy Oqýshylar saraıynda «Jer - bizdiń ortaq úıimiz» atty balalar arasyndaǵy X ulttyq ekologııalyq kórme-konkýrsynyń jeńimpazdaryn marapattaý rásimi ótti.
Mereıtoılyq is-shara aıasynda sońǵy on jyldyń ishinde konkýrsqa qatysqan balalardyń eń úzdik shyǵarmalary shyǵaryldy. Munda grafıka men maıly boıaý sýretteri, sondaı-aq jeńimpazdardyń qolóner buıymdary bar.
Bıylǵy kórme-konkýrsynyń taqyryby - «Ekologııa jáne dızaın». Onyń nátıjesi boıynsha I-shi oryndy Kámılá Qaıranbaeva (Almaty) jeńip alsa, Konstantın Bakýlın (Pavlodar) II-shi orynǵa ıe boldy. Astanalyq Aleksandra Polets III-shi oryndy qanaǵat tutty. Al Qaraǵandydan kelgen Georgıı Sysoev «Jer - bizdiń ortaq úıimiz» atty X ulttyq ekologııalyq kórme-konkýrsynyń Gran-prıin qanjyǵasyna baılap qaıtty.
