Astanada JEO-3 qurylysynyń birinshi kezegi 2016 jyly aıaqtalady
ASTANA. QazAqparat - Elordada jumys isteıtin mekemeler men uıymdardyń kóbeıýine baılanysty olardy energııamen qamtamasyz etý máselesi týyndaıdy. Qazirgi JEO jumystaryn jeńildetip, elektr qýaty kólemin arttyrý úshin jańa JEO-3 salý týraly sheshim qabyldandy.
Astana qalasy Energetıka basqarmasynyń málimetinshe, qýattylyǵy 480 Gkal/saǵ quraıtyn jańa energııa kózi JEO-3 qurylysynyń 1-kezegi 2010 jyly bastaldy jáne ony 2016 jyly aıaqtaý josparlanǵan. Jobanyń 1-kezeginiń quramynda sý jylytatyn qazandyq pen JEO-3 barlyq ınfraqurylymynyń qurylysyn júrgizý qarastyrylǵan, dep jazady elordanyń .
Infraqurylymǵa temirjol stantsııasy, syrtqy ınjenerlik jeliler, otyn taratý, sý daıyndaý nysandary, 1-kóterý sorǵysy, ákimshilik ǵımarattar men alańdaǵy ınjenerlik baılanystar jatady.
Ótken jyldyń qorytyndysy boıynsha, sý jylytý qazandyǵynyń qańqasy, sondaı-aq qazandyqtardy (úsh sý jylytý qazandyǵy men 1 bý qazandyǵyn irilendirip qurastyrý aıaqtaldy) montajdaý jumystary jalǵasýda. 1-kóterý sorǵysynyń tehnıkalyq jabdyqtaryn montajdaý, № 1 murjanyń qurylysy, 2 sý jylytý qazandyǵy, órt sóndirý deposy kesheniniń qurylysy, sonymen qatar, tehnologııalyq qubyr estakadasy men JEO-1 jáne JEO-3 aralyǵyndaǵy jylý júıesin montajdaý boıynsha jumystar júrgizildi.
