Astanada JEO-2 qubyrynan qazandyqty tekserý barysynda qara tútin shyǵýy múmkin
ASTANA. QazAqparat - Jylýmen qamtý kásipornyn keńeıtý jáne qaıta jóndeý aıasynda JEO-2 aýmaǵynda №7 qazandyq agregatyn iske qosý-retteý jumystary júrgizilip jatyr. Bul týraly qalanyń resmı saıty habarlady.
Qazandyqtyń senimdiligi men qaýipsizdigin tekserý úshin qondyrǵy tolyq iske qosylady. Tıisti tekserý jumystary qondyrǵyny senimdi ári qaýipsiz paıdalanýǵa kedergi keltiretin jobanyń jáne qurastyrýdyń barlyq kemshilikterin anyqtaýǵa jáne joıýǵa septigin tıgizedi.
Bir aıǵa sozylatyn iske qosý-retteý jumystary kezinde rezervti otyn - mazýt paıdalanylady, sondyqtan JEO №2 qubyrynan atmosferaǵa «qara tútin» taraýy múmkin.
Bul rette elordadaǵy ekologııalyq ahýaldyń nasharlamaıtynyn aıta ketkenimiz jón. «Astana-Energııa» AQ qorshaǵan ortany qorǵaý zerthanasynyń málimetinshe, sanıtarlyq-qorǵaý aımaǵyndaǵy shekarada atmosferalyq aýaǵa shyǵarylatyn zııandy zattardyń normadan asyp ketýi tirkelmegen.
