Astanada JEO-1-degi eki qazandyqtyń kúrdeli jóndeýi aıaqtaldy

ASTANA. KAZINFORM — Astanadaǵy 1-JEO-da eki energetıkalyq qazandyq agregatyna kúrdeli jóndeý jumystary aıaqtaldy. 

Astanada JEO-1-degi eki qazandyqtyń kúrdeli jóndeýi aıaqtaldy
Foto: Gov.kz

«Astana-Energııa» AQ-nyń 1-JEO-da júrgizgen jóndeý jumystary elimizdiń elektr stantsııalaryndaǵy josparly jóndeý naýqany aıasynda aıaqtaldy.

Qazaqstan Respýblıkasy Energetıka mınıstrligi Memlekettik energetıkalyq qadaǵalaý jáne baqylaý komıtetiniń Astana boıynsha aýmaqtyq departamenti energetıkalyq jabdyqtardyń tehnıkalyq jaı-kúıine, jóndeý jumystaryna jáne jylytý maýsymynyń barysyna turaqty monıtorıng júrgizedi.

— Energetıkalyq nysandardyń senimdi jumys isteýi men tutynýshylardy úzdiksiz energııamen qamtamasyz etý máseleleri Komıtettiń erekshe baqylaýynda, — delingen habarlamada.

Eske salaıyq, munyń aldynda Almatydaǵy № 2 jylý elektr ortalyǵynda kómirdiń ornyna tabıǵı gazben jumys isteıtin jańa qazandyq iske qosylǵanyn jazǵan edik.