Astanada Jeńistiń 80 jyldyǵyna oraı «Dańq alleıasyna» aǵash otyrǵyzyldy
Ekinshi dúnıejúzilik soǵysyndaǵy Jeńistiń 80 jyldyǵyna oraı Jeńis kúnin merekeleý aıasynda Astana qalasynyń №107 orta mektebinde «Dańq alleıasyna» aǵashtar men butalar otyrǵyzý aktsııasy ótti. Bul týraly Astana qalasy ákimdiginiń baspasóz qyzmeti habarlady.
Aktsııaǵa 5-11 synyp oqýshylary men jer elshileri qatysty. Bastamanyń negizgi maqsaty — batyrlarymyzdyń erligin dáripteý, jastar arasynda patrıottyq qundylyqtardy qalyptastyrý jáne beıbitshilik pen rızashylyqtyń jasyl nyshanyn qalyptastyra otyryp, jeńimpazdar urpaǵyna sheksiz alǵys bildirý.
— Aktsııa barysynda 100-ge jýyq aǵash otyrǵyzyldy. Bul qalany kógaldandyrýǵa qosqan úles qana emes — bul bolashaqqa, óskeleń urpaqtyń ekologııalyq sanasyna salynǵan ınvestıtsııa. Mundaı is-sharalar tabıǵatqa degen súıispenshilik pen qorshaǵan álem úshin jeke jaýapkershilik sezimin tárbıeleıdi, — dep atap ótti mektep dırektory Aıgúl Beısenbına.
«Dańq alleıasy» «Taza Qazaqstan» ekologııalyq naýqanynyń bir bóligi ǵana emes, sonymen qatar izgi bastamalardyń óskeleń urpaqty biriktirip, rýhanı qundylyqtardy nyǵaıtyp, birliktiń kúshin eske salatyn erekshe úlgisi boldy.
Aıta ketelik Almatyda soǵys ardagerlerine arnalǵan 8 alleıa ashyldy.