Astanada oqýshylarǵa arnalǵan kólik kartasyn alý jeńildeı tústi

ASTANA. KAZINFORM —  23 shildeden bastap CTS Ortalyq kassasynda jeńildigi bar jáne mektep kólik kartasyn rásimdeý úshin júgingen kezde jeńildikti rastaıtyn qujat nemese oqý ornynan anyqtama qaǵazyn usynýdyń qajeti joq. 

Budan bólek endi 3*4 fotosyn aparmasańyz, sýretke de sol jerde túsiredi. 

Bul qyzmet 2025 jyldyń 1 shildesinen tıisti mártebe alǵan jeńildikti sanattaǵy azamattarǵa qoljetimdi.

— Tıisti mártebege 1 shildege deıin ıe bolǵan azamattarǵa, sonymen birge 18 jasqa deıingi oqýshylarǵa kartany rásimdeý men qaıta shyǵarý rastaıtyn qujattarmen júzege asyrylady. Jańartylǵan derekqorǵa tolyq qol jetkizgennen keıin kartany qaıta shyǵarý qyzmeti qaǵaz qujattardy usynbaı júzege asyrylatyn bolady, — delingen CTS habarlamasynda.

Kassada kezekte uzaq turmaý úshin ata-analar men oqýshylardan mektep kólik kartasyn aldyn ala rásimdeýdi suraımyz.

— 2025-2026 jańa oqý jyly 1-synypqa baratyn oqýshylar mektep kólik kartasyn tolyq málimetter engizilgennen keıin rásimdeı alady, — delingen habarlamada.

Aıta ketelik elordada avtobýs júrgizýshileriniń áreketin kamera arqyly baqylaıdy.