Astanada jeńil atletıkadan el chempıonaty bastaldy
ASTANA. KAZINFORM — Astanada jeńil atletıkadan Qazaqstan Respýblıkasy chempıonatynyń saltanatty ashylý rásimi ótti.
QR Jeńil atletıka federatsııasy prezıdentiniń orynbasary Alpamys Baqytuly, federatsııanyń bas hatshysy Kelbet Nurǵazına jáne SQO jeńil atletıka federatsııasynyń basshysy Apenko Aleksandr ashylý saltanatyna qatysyp, sportshylarǵa sáttilik tiledi.
El birinshiligine Qazaqstannyń 17 óńirinen 265-ten astam sportshy qatysyp jatyr. Úsh kún boıy erler men áıelder arasynda 48 jeke baǵdarlama boıynsha, sondaı-aq, 4×100 jáne 4×400 metrlik aralas estafetalarda júldeler sarapqa salynady.
QR Jeńil atletıka federatsııasy baspasóz qyzmetiniń málimetinshe, Qazaqstan chempıonatynyń qorytyndysy boıynsha 2026 jyly Japonııada ótetin Azııa oıyndaryna qatysatyn Qazaqstan quramasynyń tizimi anyqtalady.
Aıta keteıik, jarystar Qazaq ulttyq sport ýnıversıtetiniń stadıonynda ótip jatyr. Al laqtyrý dıstsıplınalary boıynsha júldeler Qazaqstan jeńil atletıkalyq sport kesheniniń sektorlarynda sarapqa salynady.
Osyǵan deıin habarlaǵanymyzdaı, Qazaqstan quramasy jeńil atletıkadan Qytaıdyń Ordos qalasynda jastar arasyndaǵy Azııa chempıonatynda bir kúmis jáne eki qola medal jeńip aldy.
