Astanada jeńil atletıka juldyzdary jınalady

ASTANA. KAZINFORM  - 25 qańtarda Astanada jeńil atletıkadan Astana Indoor Meet for Amin Tuyakov Prizes halyqaralyq týrnıri ótedi. Bul týraly Ulttyq olımpıadalyq komıtet habarlady.

Bul aýqymdy is-shara 2025 jylǵy World Athletics Indoor Tour Gold serııasyn bastaıdy jáne álemniń toǵyz qalasyn qamtıdy. Serııanyń fınaly 28 aqpanda Madrıdte ótedi.

Týrnırde álemdik jeńil atletıka juldyzdary óner kórsetedi. Onyń ishinde olımpıada chempıondary, álem chempıondary men júldegerleri bar.

Astanadaǵy jarysqa qatysýshylar qatarynda olımpıada chempıony, álem chempıony, «Brıllıantty lıga» kezeńderiniń birneshe dúrkin jeńimpazy Andre de Grass (Kanada), Parıj Olımpıadasynyń kúmis medal jeńimpazy, jabyq alańdardaǵy halyqaralyq jarystyń debıýtanty Kısheın Tompson (ıAmaıka), Olımpıada júldegeri Aleks Heıdok-Ýılson (Ulybrıtanııa), álemdik reıtıng kóshbasshysy Kornelıýs Týveı (Kenııa), álem chempıony Markız Dendı (AQSh), Olımpıada fınalısteri Tına men Tıa Kleıton (ıAmaıka), Olımpıada chempıony Natasha Morrıson (ıAmaıka), eki dúrkin álem chempıonatynyń júldegeri Sada Ýılıams (Barbados) jáne basqa da myqty sportshylar bar.

Saıystar Qazaqstan jeńil atletıka kesheninde ótedi.

Astanada jeńil atletıka estafetasynyń úzdikteri anyqtalǵanyn jazǵan bolatynbyz.