Astanada Jeńistiń 77 jyldyǵyna oraı otshashý uıymdastyryldy
Astana ýaqytymen tup-týra saǵat 22:00 kezinde Jeńis kúni qurmetine Esil ózeni jaǵalaýynda otshashý atyldy.
Qalalyq ákimdiktiń málimetinshe, Jeńistiń 77 jyldyǵyna arnalǵan otshashý demeýshilik qarajat esebinen uıymdastyrylǵan.
Saltanatty rásim 10-12 mınýtqa sozyldy, atylǵan otshashý kólemi - 3 myńnan kem emes.
Eske sala keteıik, munyń aldynda Nur-Sultan qalasynyń mádenıet basqarmasy 7 jáne 9 mamyr kúnderi merekelik otshashý ótkizilmeıtinin aıtqan bolatyn. Degenmen, osydan eki kún buryn qalalyq ákimdik sheshimin ózgertti.
9 mamyr kúni qalada sondaı-aq kontsert, qoıylym túrindegi túrli onlaın jáne oflaın is-sharalar ótti.
Máselen, Stýdentter saıabaǵynda ardagerler men qala turǵyndaryna arnalǵan kontsert uıymdastyryldy.
Budan bólek, maıdangerlerdi eske alýǵa arnalǵan «Jeńimpazdar. Batyrlarǵa taǵzym» onlaın-aktsııasy ótti.
Jeńis merekesin atap ótý kúnderi dástúrli túrde soǵys ardagerleriniń, tyl eńbekkerleriniń, qoǵamdyq jáne jastar uıymdary ókilderiniń qatysýymen «Otan ana» monýmentine jáne soǵys batyrlary – Talǵat Bıgeldınov, Raqymjan Qoshqarbaev, Baýyrjan Momyshuly, Mánshúk Mámetova, Álııa Moldaǵulova jáne ózge de batyrlardyń eskertkishine gúl destesin qoıý rásimi boldy.
Al 10 mamyrda «ALJIR» memorıaldy-murajaı kesheni Jeńis kúnine arnalǵan «Biz Jeńistiń urpaǵymyz!» atty lektsııaǵa qosylýǵa shaqyrady.
Astanalyq tsırk mereke qurmetine kórermender úshin arnaıy tsırk baǵdarlamasyn daıyndady.
