Astanada «Jeńiske qurmet!» respýblıkalyq aqtsııasy bastaldy - VIDEO
Jıynǵa Astana qalasy boıynsha Uly otan soǵysynyń ardagerleri, memlekettik organdardyń jáne BAQ ókilderi, QR Qorǵanys mınıstirliginiń áskerı orkestri jáne «Jas Ulan» áskerı mektebiniń kýrsanttary qatysty. Saltanatty jıyndy merekelik quttyqtaý sózimen «Habar» agenttigi» AQ-ń Basqarma tóraǵasy Aıdos Úkibaev jáne Ulttyq mýzeıdiń Dırektory Darhan Myńbaı ashty.
Ardagerlerge estelik syılardy tartý kezinde «Habar» agentiginiń jetekshisi Aıdos Úkibaev: «Osydan 70 jyldan astam ýaqyt buryn, jas jetkinshekter ózderiniń batyl áreketterimen Uly Jeńis tarıhyn jaza bastady. Búgingi kúnde sol jetkinshekter - ıgi aqsaqaldar. «Habar» agentiginiń» komandasy osy beıbit ómirimiz úshin óz qurmeti men rızashylyǵyn bildirgisi keledi. «Jeńiske qurmet» aktsııasy aıasynda, bizdiń kompanııanyń qyzmetkerleri arnaıy qorǵa bir kúndik eńbekaqysyn aýdardy, sol jınalǵan qarajatqa Qazaqstanda turyp jatqan ardagerlerge syılyqtar satyp alyndy. Biz basqa uıymdar da osylaı áreket etedi degen úmittemiz!» - dep aıtty.
Syılyqtar tizimi árbir ardagerdiń suraýy boıynsha qurastyrylǵan bolatyn, onyń ishinde teledıdarlar, tońazytqyshtar, sonymen qatar Atyraý qalasynyń ardagerleri men tyl jumyskerleri horynyń ótinshimen satyp alynǵan sırek Týla qalasynda shyǵarylatyn baıan da bar.
QR Ulttyq mýzeı dırektory Darhan Mynbaıdyń aıtýynsha: «Murajaı úshin soǵys jyldary bolǵan oqıǵalardy este saqtaý, ásirese, jas urpaqtar Jeńistiń qandaı qıyndyqpen berilgenin umytpaýy asa mańyzdy. Kórmede QR Ulttyq muraǵaty, Podolsk qalasy boıynsha RF Qorǵanys mınıstirliginiń Ortalyq muraǵaty usynǵan qujattar, «Habar» agenttigi muraǵatynan vıdeo-materıaldar kórsetiledi. Qonaqtar buryn kórsetilmegen sırek kezdesetin eksponattardy, sýretterdi jáne qujattardy tamashalaı alady».
Qazaqstan Respýblıkasy Ulttyq mýzeıi «Stalıngradttyq shaıqas» mýzeı-qoryǵy, Reseılik áskerı-tarıhı qoǵamnyń Volgogradttyq bólimimen birlese «Qaharmandarymyzdyń dańqy máńgi arta bersin! Bul - ólgenderge kerek emes! Bul - tirilerge kerek!» kórmesin ótkizedi. Bul kórmege QR Mádenıet jáne sport mınıstirligi, RF Mádenıet mınıstirligi jáne «Habar» agenttigi qoldaýymen ótetin shara Ulttyq mýzeıdiń «Ǵasyrlar qoınaýynan syr shertken Qazaqstan» jobasy aýqymynda uıymdastyrylǵan.
Kórme Ulttyq mýzeıde 2015 jylǵy 4 mamyrda saǵat 16.00 ashylady.
Sondaı-aq, kórmede «Habar» agenttiginiń kórermenderi jibergen soǵys ýaqytyn qamtıtyn sýretter ekspozıtsııasy aıryqsha oryn alatyn bolady. 2015 jyldyń 9 - 26 sáýir aralyǵynda barlyq qazaqstandyqtar óz muraǵattarynda saqtalǵan Uly Otan soǵysy kezindegi sýretterdi 9may@khabar.kz elektrondyq adreske jibera alady. Sýretpen birge onda beınelegen adam týraly qysqasha baıandama salý qajet.
