Astanada Jeńis kúnine arnalǵan merekelik kontsert ótti
Merekelik baǵdarlama balalar teatrynyń soǵys taqyrybyndaǵy qoıylymymen ashyldy. №10 mektep-gımnazııasynyń vokaldyq toby soǵys jyldaryndaǵy ánderdiń jıyntyǵyn oryndady. Jas ártisterimen birge ardagerler men qonaqtar soǵys jyldaryndaǵy súıikti ánderdi eske aldy. Olardyń oryndaýynda «Álııa», «Jasa Qazaqstan», «Kók oramal» syndy ánder shyrqaldy. Kórermender aldynda «Shoqjuldyz» jáne «Báıterek» bı ansamblderi óz ónerlerin pash etti.
«Bul máńgilik ánderdiń áýenimen soǵys umytylyp, mahabbat eske tústi. Bul ánderdi tyńdap janymyz jasardy. Bul ánder jeńiske jetýge rýh bergen bolatyn», - dedi sharaǵa qatysqan ardagerler.
Atalmysh kontsertti M. Ótemisuly atyndaǵy Oqýshylar saraıy men qalalyq bilim berý basqarmasy uıymdastyryp otyr. «Kóktemniń shýaqty kúnderi» aktsııasy aıasynda qalada «erlik sabaqtary», dóńgelek ústelder, patrıottyq ánder baıqaýy, saıystar, estafetalar jáne merekelik kontsertter sııaqty túrli sharalar ótkiziledi.
Kezekti sharada 8 mamyr kúni «Shattan, Jeńis kóktemi» atty patrıottyq án festıvali ótedi.
