Astanada jeńildikpen júretin azamattar úshin arnaıy tólem kartalary jasalady
ASTANA. QazAqparat - Astana qalalyq Jolaýshylar kóligi jáne avtomobıl joldary basqarmasy men «Astana LRT» kompanııasy birigip tamyzda jeńildikpen júretin azamattar úshin fototirkeý protsedýrasyn bastaıdy, dep habarlaıdy elorda ákimdiginiń resmı saıty.
Fotoǵa túsirý tegin jáne qalanyń qoǵamdyq kólikterinde elektrondy tólem júıesiniń engizilýi aıasynda ótkiziledi.
Búgingi kúni «Saryarqa», «Esil» jáne «Almaty» aýdandarynda ornalasqan jıyrma bes fototirkeý pýnkti anyqtalǵan. Astanada jeńildikpen júretin azamattar kategorııasyna kiretin toqsan myńnan astam adam tirkelgen. Oǵan jatatyndar:
- UOS ardagerleri jáne solarǵa teńestirilgen tulǵalar; - jasy jáne qyzmet etken ýaqyty boıynsha zeınetkerler; - jasyna baılanysty jáne asyraýshysynan aıyrylǵandyǵyna baılanysty memlekettik áleýmettik tólem alatyndar; - kópbalaly otbasylar; - múmkindigi shekteýli tulǵalar; - stýdentter men oqýshylar. Fotoǵa túsirý jáne jeke jolaqysyn tóleý kartalaryn daıyndaý aqysyz júzege asyrylady. Atalmysh kartalar ıelerine qoǵamdyq kólikte elektrondy tólem júıesin engizgennen keıin beriledi.
Atap óteıik, jolaqysyn tóleýdiń elektrondy júıesin engizý bir rettik jol bıletteriniń esebiniń bolmaýy, jolaýshylar legi týraly naqty málimettiń bolmaýy, qoǵamdyq kólik qyzmetkerleriniń tabys mólsherin jasyrýy jáne qazirgi jolaqysyn tóleý júıesiniń jalpy qolaısyzdyqtary sııaqty máselelerdi sheshýge múmkindik beredi. Budan bólek, jolaqysyn tóleýdiń elektrondy júıesi halyqqa qyzmet kórsetý sapasyn jaqsartyp, qarjy leginiń jáne salyq jınaýdyń aıqyndyǵyn arttyryp, jolaýshylardyń kólikke minip túsý ýaqytyn qysqartyp, «bıletsizderdi» anyqtaýǵa kómektesedi. Jeńildikpen júretin azamattar kategorııasyn fototirkeýden ótkizý protsedýrasy tamyzdyń sońyna deıin jalǵasady. Fotoǵa túsirý úshin ózimen birge jeke kýálik bolý kerek jáne Astana qalasynda tirkelip, osy jerde turaqty turý kerek. Jolaýshylarǵa qolaıly bolý úshin jáne konsýltatsııa júrgizý maqsatynda fototirkeý ótkizilip jatqan kezeńde barlyq suraqtar boıynsha habarlasý úshin 57-47-77 nomeri boıynsha call-ortalyq ashyldy.
