Astanada jeńildikpen qoǵamdyq kólikte júretinder úshin kartalarǵa fototirkeý aıaqtalǵan joq
ASTANA. QazAqparat - Buǵan deıin habarlanǵandaı 2015 jyldyń sońyna deıin elordanyń qoǵamdyq kólikterinde elektrondy tólem júıesin engizý josparlanyp otyr. Osyǵan oraı, tamyzdyń 1-nen bastap qoǵamdyq kólikterde tegin júrý quqyǵyna ıe turǵyndar sanaty úshin tólem kartalaryna arnalǵan fotosýretterge túsý naýqany bastalǵan bolatyn, dep habarlady qalalyq ákimdiktiń baspasóz qyzmetinen.
Jol júrý kartalarynda tulǵanyń aty-jóni, jeke sáıkestendirý nómiri men foto sýreti kórsetiledi. Búgingi tańda jeńildikterge ıe 20 myńǵa jýyq astanalyq fototirkeýden ótti. Volonterler dúısenbiden senbige deıin jumys isteıdi. Barlyq suraqtar boıynsha 57-47-77 call-ortalyqqa habarlasa alasyzdar.
