Astanada jeńil júristi 126 boıjetken ustaldy
ASTANA. 9 sáýir. QazAqparat - Astanada 2 jáne 8 sáýir aralyǵynda jeńil júristi qyzdar men onyń jeńgetaılaryn anyqtaý, qoǵamdyq oryndardaǵy tártipti saqtaý, sondaı-aq jalpy qaladaǵy qylmystyq ahýaldy turaqtandyrý maqsatynda keń kólemde reıd júrgizildi.
Astana qalasy ІІD Qoǵamdyq qaýipsizdik basqarmasynyń bastyǵy Batyrlan Esenbaıdyń aıtýynsha, osy is-shara aıasynda aınalasy birer kúnderdiń ishinde 100-ge jýyq jezókshe ustalǵan.
Sonymen qatar reıd barysynda qoǵamdyq oryndarda alkogoldik ishimdik iship, mas kúıde júrgen 36 adam, abattandyrý erejesin buzǵan 26 adam ishki ister organdaryna jetkizilgen.
Jalpy aǵymdaǵy jyldyń 3 aıy ishinde abattandyrý erejelerin buzý, qalanyń ınfraqurylym nysandaryna zaqym keltirý faktisi boıynsha 3 myńnan astam quqyq buzýshylyq anyqtalyp, 3 mln. kóleminde aıyppul salynǵan.
«Al qoǵamdyq oryndarda temeki qaldyqtaryn, bos plastıkalyq bótelke, shemishke qaldyqtaryn tastaǵandar boıynsha ótken jyly - 124, bıyl - 30 adam ákimshilik jaýapkershilikke tartyldy», - deıdi B. Esenbaı.
