Astanada jeńil kólik jolaýshylar avtobýsyna soqtyǵysyp qaldy, zardap shekkender bar - TJM
ASTANA. Aqpannyń 17-si. QazAqparat - Astanada Beıbitshilik jáne Kelisim saraıynyń aýmaǵynda «Folksvagen» jáne jolaýshylar avtobýsy soqtyǵysyp qaldy, úsh adam zardap shekti,
dep habarlady QR Tótenshe jaǵdaılar mınıstrliginen.
Vedomstvonyń málimetine sáıkes, jol-kólik oqıǵasy aqpannyń 16-sy kúni 17 saǵat 52 mınýtta Táýelsizdik kóshesiniń boıynda oryn aldy. «Folksvagenniń» 20 jastaǵy júrgizýshisi salonynda 18 adamy bar «Hýndaı» úlgisindegi jolaýshylar avtobýsyna soqtyǵysqan. Jol apaty saldarynan jeńil kóliktiń júrgizýshisi men avtobýstyń eki jolaýshysy aýrýhanaǵa jetkizildi.
