Astanada jeńil kólik ózenge túsip ketti
ASTANA. QazAqparat - Astanada «Subaru» markili jeńil kóligi ózenge túsip ketti, dep habarlady qalalyq ishki ister departamentiniń baspasóz qyzmeti.
Polıtsııa qyzmetkerleri taratqan málimetterge qaraǵanda, «Subaru» kóliginiń júrgizýshisi kólikti basqara almaı, jol jıegindegi metall qorshaýlardy buzyp, ózenge túsip ketken. Kólikte júrgizýshimen bir jolaýshy bolǵan. Ekeýi de 1994 jyly týǵan. Olar oqıǵa bolǵan soń aýrýhanaǵa jektizilip, tıisti medıtsınalyq kómek kórsetilgen soń úılerine jiberildi. Oqıǵanyń saldarynan zardap shekken ózge eshkim joq. Kólik bolsa arnaıy tehnıkanyń kómegimen sýdan shyqarylyp, aıyp turaǵyna jetkizildi.
Bolǵan oqıǵa boıynsha 610 bap negizinde «Kólik quralynyń júrgizýshisi belgilengen jol qaýipsizdigi erejesin buzyp, jol boıyndaǵy qorshaýlardy buzdy (10-nan 20-ǵa deıingi AEK negizinde aıyppul salynyp, 9 aıdan 1 jylǵa deıin júrgizýshi kýáliginen aıyrylady) ákimshilik is qozǵaldy. Osy kezde bolǵan oqıǵanyń ózge de sebepteri anyqtalýda.
