Astanada jeńil kólik otqa orandy
NUR-SULTAN. QazAqparat – Elordanyń Qonaev jáne Turan kósheleriniń qıylysynda Mercedes-Benz SL 55 kóligi órtendi. Bul jaıynda QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
«12 qyrkúıek kúni saǵat 12:37-de «101» pýltine Qonaev pen Turan kósheleriniń qıylysynda Mercedes-Benz SL 55 avtokóliginiń órtenip jatqany týraly habarlama tústi. Órt sóndirý bólimi oqıǵa ornyna jetken kezde kóliktiń qozǵaltqysh bóligi jáne salony jartylaı janyp jatqan. Qabyldanǵan sharalardyń nátıjesinde órt saǵat 12:46-da sóndirildi», - dedi ol.
Resmı ókildiń dereginshe, zardap shekkender men qaza tapqandar joq. Órttiń neden shyqqany anyqtalyp jatyr.