Astanada jeńil kólik múgedek adamdy qaǵyp ketti
ASTANA. QazAqparat - Elordadaǵy Jeńis dańǵylynda adam ólimine soqtyrǵan jol-kólik oqıǵasy boldy.
Oqıǵa 30 tamyz kúni 22:00 shamasynda bolǵan, dep jazady Kazpravda.kz.
Syrtqy baqylaý kamerasy jeńil kóliktiń joǵary jyldamdyqpen kele jatyp, aıaǵynda protezi bar kisini qaǵyp ketkenin túsirip alǵan. Adamdy qaǵyp ketken soń, kólik jol jıegindegi metall qorshaýǵa soǵylǵan.
Jol apaty jóndeý jumystary júrip jatqan ǵımarattyń mańynda bolǵan. Jumys júrip jatqan aýmaq qorshaýǵa alynǵan, osy sebepti jaıaý júrginshiler joldy kólik júretin tustan kesip ótýge májbúr bolǵan. Jóndeý jumystary júrip jatqanyn eskertý belgileri bolmaǵan.
«Toyota Aristo kóligi soǵyp ketken 42 jastaǵy júrginshi aýrýhanada qaıtys boldy. 29 jastaǵy júrgizýshi JKO bolǵan jerden medıtsınalyq mekemege jetkizilip, sol jerden úıine jiberildi», - dep habarlaıdy qalalyq ІІD.
Qazirgi sátte fakt boıynsha tergeýshiler QR QK 345 babynyń (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) 3 tarmaǵy boıynsha sotqa deıingi tergeý júrgizýde.
