Astanada jeńil avtokólik jaıaý júrginshini qaǵyp óltirdi
ASTANA. QazAqparat - Astanada jeńil avtokólik jaıaý júrginshiler jolynda ketip bara jatqan adamdy qaǵyp ketip, osynyń saldarynan zardap shekken áıel kóz jumdy, dep habarlaıdy «QazAqparat» HAA tilshisi.
«29 qańtar kúni saǵat shamamen saǵat 8:40 shamasynda «Hyundai Accent» markaly avtokólikti tizgindegen júrgizýshi Qabanbaı batyr kóshesimen Áýejaıǵa qaraı bara jatyp, «Avıator» aıaldamasy mańynda baqylanbaǵan jaıaý júrginshiler jolynda adamdy qaǵyp ketken. Kólik qaqqan áıel rettelmeıtin jaıaý júrginshiler jolymen ketip bara jatqan», - dep habarlaıdy Astana qalalyq ishki ister departamentiniń baspasóz qyzmeti.
Jol-kólik oqıǵasy saldarynan zardap shekken áıel oqıǵa ornynda jan tapsyrdy. Atalǵan jaǵdaı QR QK-niń 345-baby boıynsha sotqa deıingi tergeý amaldarynyń biryńǵaı tizilimine tirkeldi. Birqatar saraptama jumystary taǵaıyndaldy.
