Astanada jeńil atletterge arnalǵan jabyq keshen salynyp jatyr
ASTANA. QazAqparat - Astanada Elbasynyń jeke tapsyrmasy boıynsha jańa jabyq keshendegi jeńil atletıka maneji salyp jatyr, dep habarlaıdy QazAqparat.
Bul týraly Astanada QR jeńil atletıka federatsııasynyń kezekten tys ótken konferentsııasy barysynda federatsııa prezıdenti Ádilbek Jaqsybekov málim etken.
Federatsııasynyń resmı saıty taratqan málimetterge súıensek, jınalysta «Astanadaǵy jańa jabyq keshendegi jeńil atletıka manejin Elbasynyń jeke tapsyrmasy boıynsha «Samuryq-Qazyna» ál-aýqat qory salyp jatyr. Jospar boıynsha 2019 jylǵa qurlys jumystary aıaqtalýy tıis. Manej 7 myń kórermenge arnalǵan. Astana men Almatyda eki manej turǵyzyp alsaq, kez kelgen halyqaralyq jarystardy ótkize berýge bolady», - dep atap ótken Ádilbek Jaqsybekov.
Sondaı-aq, federatsııa prezıdenti aldymen kásipqoı sporttyń qajet ekenin, sonda baryp, buqaralyq sportty da damytýǵa bolatynyn atap ótken.
«Eger kásibı sport bolmasa, adamdardy sportqa tartý qıyn. ıAǵnı, ol kezde buqaralyq sport ta damymaıdy. Álbette saıysqa túsetin jas sportshylar qajet. Sondyqtan bizge kásipqoı kerek. Basty maqsat - alǵa jyljý. Manej jumystary 2019 jyldan keshiktirilmeı aıaqtalýy tıis, - deıdi Ádilbek Ryskeldiuly.
