Astanada jeńil atletıkalyq estafeta kezinde kósheler jabylady

NUR-SULTAN. QazAqparat - 7 mamyr kúni elordada Otan qorǵaýshy kúnine jáne Jeńis kúnine arnalǵan jalpy bilim beretin mektep oqýshylary men joǵary oqý oryndarynyń stýdentteri arasynda jeńil atletıkadan estafeta ótedi, dep habarlaıdy QazAqparat.

Elorda ákimdiginen málim etkendeı, estafetany ótkizýge baılanysty Jeńis dańǵyly men Bıgeldınov kóshesiniń qıylysy (Qarjy mınıstrligi), Álııa Moldaǵulova jáne Beıbitshilik kósheleri Otyrar kóshesine deıin saǵat 10.30-dan 12.00-ge deıin jabyq bolady.

«Joǵaryda atalǵan kósheler kezeń-kezeńmen ashylady. Elorda turǵyndary men qonaqtaryn qala joldarynda keptelis týdyrmaý úshin óz marshrýttaryn aldyn ala josparlap, túsinistikpen qaraýdy suraımyz», - delingen ákimdik habarlamasynda.