Astanada jeńgetaılyqpen aınalysqan úsh haýyzdyń ákimshisi ustaldy
ASTANA. QazAqparat - Elordada adamdardy seksýaldyq jáne eńbekke tartý maqsatymen satý faktilerin anyqtaý, jolyn kesý jáne boldyrmaý boıynsha jedel-aldyn alý sharasy ótkizildi, dep habarlady Astana qalalyq ІІD-niń baspasóz qyzmetinen.
ІІD UQQKB-nyń qyzmetkerleri jedel-aldyn alý sharasyn ótkizý barysynda paıdakúnemdik maqsatpen klıentterdi aqyly ıntımdik qyzmetter kórsetetin boıjetkendermen jolyqtyryp, sol úshin aqsha alǵan úsh haýyzdyń ákimshisin anyqtap, ustady.
Osylaısha, 23 qarashada haýyzdyń 28 jastaǵy ákimshisi klıentti 1986 jylǵy Sh. Esimdi azamatshamen jolyqtyryp, sol úshin bes myń teńge kóleminde aqsha alǵan.
Atalǵan faktiler QR QK-niń 309-baby (jezókshelikpen aınalysý úshin qordalar uıymdastyryp, ustaý jáne jeńgetaılyq) boıynsha sot aldyndaǵy tergeýdiń biryńǵaı tiziliminde tirkelgen. Tergeý amaldary júrgizilýde, kúdiktilerdiń kinási dáleldendi.
Budan basqa, kámelettik jasqa jetpegen 1998 jylǵy azamatsha A-ny jezókshelikpen aınalysýǵa tartý faktisi anyqtaldy. Áleýmettik pedagogtyń kózinshe ol polıtsııaǵa shaǵymdanyp, ózin qorqytý jolymen jezókshelikpen aınalysýǵa tartqan azamat K-ǵa qatysty ótinish jazǵan. Bul fakt QR QK-niń 134-babynyń 1-tarmaǵy (kámelettik jasqa jetpegendi jezókshelikpen aınalysýǵa tartý) boıynsha sot aldyndaǵy tergeýdiń biryńǵaı tiziliminde tirkelgen. Bul qylmysty jasaǵany úshin haýyz ıesi bolyp tabylatyn 1967 jylǵy K. esimdi azamat ustaldy. Ol sondaı-aq 1995 jylǵy azamatshany qorqytý jolymen jezókshelikpen aınalysýǵa tartý boıynsha kúdikti dep tanyldy. Atalǵan faktimen QR QK-niń 308-babynyń 1-tarmaǵy (jezókshelikpen aınalysýǵa tartý) boıynsha sot aldyndaǵy tergeý amaldary bastaldy.
Astana qalasynda jedel-aldyn alý sharasyn ótkizý ýaqytynsha ıntımdik qyzmetter kórsetetin 30 adam jetkizildi, sonyń ishinde tórteýi Ózbekstan jáne Qyrǵyzstan elderiniń azamattary.
Jetkizilgenderdiń barlyǵy esepke alyndy.
