Astanada jemqorlyqtary úshin 20 laýazymdy tulǵa jaýapqa tartyldy
ASTANA. Shildeniń 26-sy. QazAqparat /Janna Qorqytova/ - Astanada sybaılas jemqorlyq quqyqbuzýshylyqtary úshin 20 laýazymdy tulǵa tártiptik jaýapkershilikke tartyldy. Astana prokýratýrasynyń ótken jartyjyldyqtaǵy qyzmet qorytyndysyna arnalǵan alqa májilisinde osyndaı fakti málim etildi.
Atap aıtqanda, prokýratýra qyzmetkerleri 92 sybaılas jemqorlyq qylmysyn anyqtady. Sottardyń qylmystyq isterdi qaraý tájirıbesiniń kórsetkishine súıensek, sybaılas jemqorlyq qylmysynyń eń taralǵan túrlerine laýazymdy tulǵalardyń para alý, qyzmet laýazymdaryn asyra paıdalaný, sondaı-aq, qyzmet laýazymyn paıdalana otyryp ózgeniń senip tapsyrǵan múlkin ıemdený jáne talan-tarajǵa salý faktileri jatatyny anyqtalyp otyr. Atalǵan faktiler boıynsha 25 tulǵa bas bostandyǵynan aıyryldy.
Sybaılas jemqorlyq zańnamalaryn buzǵany úshin prokýror aktileri boıynsha «Almaty» aýdanynyń № 1 Halyqqa qyzmet kórsetý ortalyǵynyń jáne «Saryarqa» aýdanynyń № 1 Halyqqa qyzmet kórsetý ortalyǵynyń dırektorlary jumystarynan bosatyldy.
Tekserýler barysynda sondaı-aq, azamattardyń konstıtýtsııalyq quqyqtaryn buzǵandary úshin qalalyq ishki ister departamentiniń 22 qyzmetkeri tártiptik jýapkershilikke tartyldy.
