Astanada jemqorlyqqa qarsy úgit-nasıhat toby jumys isteı bastady

«Memlekettik qyzmet isteri jáne sybaılas jemqorlyqqa qarsy kúres agenttiginiń bastamasymen alǵash ret úgit-nasıhat toby elimizdiń jemqorlyqqa qarsy kúres saıasatyn túsindiretin bolady jáne azamattardy jedel qabyldaýdy júzege asyrady. Mobıldi úgit-nasıhat toby halyq arasynda jemqorlyqqa qarsy modeldiń kúndelikti ómirdiń qalypty jaǵdaıy retinde nasıhattaıtyn qural bolmaq», - delingen Agenttiktiń habarlamasynda.

Atalmysh joba Astana ákimdiginiń qoldaýymen júzege asyrylýda. Tájirıbe retinde alǵashqy kezdesý qalalyq kommýnaldyq qyzmettiń tórt eńbek ujymymen birge ótkizildi jáne shamamen 500 adamdy qamtyǵan. Úgit-nasıhat toby birinshi «Astana sý arnasy» kommýnaldyq kásipornynda bolyp qaıtty. Endi osyndaı kezdesýler «Astana - Zelenstroı», «Astana Tazalyq», «Elektrovoz Qurastyrý zaýyty» ujymdarynda ótedi dep josparlanǵan.

Budan ári nasıhat toby Halyqqa qyzmet kórsetý ortalyqtarynda, salyq jáne kóshi-qon organdarynyń mańynda qoǵamdyq qabyldaý ótkizedi. Ol úshin arnaıy avtobýstar bólindi, olar júıeli túrde qala ishin, sonymen qatar elimizdiń birqatar óńirlerin aralaıtyn bolady.