Astanada jemis-jıdekter men kókónisten pıramıda turǵyzyldy

ASTANA. QazAqparat - Astanada elordanyń 20 jyldyq mereıtoıyna arnalǵan is-sharalar jalǵasýda. Sársenbi kúni qala kósheleriniń birinde 100 keliden astam jemis-jıdek pen kókónisten erekshe ınstallıatsııa jasaldy, dep habarlaıdy QazAqparat tilshisi.

Ideıa avtorlarynyń aıtýynsha, elordanyń 20 jyldyǵyna oraı erekshe syı jasaý maqsatynda halyq arasynda «Astana men sizdi ne baılanystyrady?» degen saýalnama júrgizilgen. Onyń nətıjesi boıynsha qala turǵyndary úshin Astana - beıbitshilik pen kelisim ortalyǵy bolyp eseptelgen. Osyǵan oraı uıymdastyrýshylar jemis-jıdekter men kókónisterden pıramıdany, ıaǵnı Beıbitshilik pen kelisim saraıynyń sulbasyn jasaýdy uıǵarǵan.

«Installıatsııanyń sulbasyn jasaýǵa bir apta ýaqyt ketti. Al jemis-jıdekter men kókónisterdi səndeýge 4 saǵat ýaqyt jumsaldy. Pıramıdany turǵyzýǵa barlyǵy 100 keliden asa jemis-jıdek pen kókónis paıdalanyldy jəne osy jumysqa 6 adam jumyldyryldy. Qazaqstannyń ər óńirinde ózine tən ósetin jemis-jıdekter men kókónister bar. Biz solardan yntymaqtastyq pen kelisimdi bildiretin beıne jasadyq. Odan bólek, pıramıdanyń ústinde taıqazan ornalasqan. Qazaq halqynda qazan aýyzbirshilik, molshylyqtyń belgisi», - dedi bas aspaz Artem Kantsev.

Shara Astana qalasy Saryarqa aýdandyq ákimdiginiń qoldaýymen jəne «Qazaq gourmet» meıramhanasynyń uıymdastyrýymen Astananyń 20 jyldyǵyna arnalyp ótkizildi. Kórsetilim sońy kontsertpen jalǵasyp, jemis-jıdekter men kókónister jınalǵan jurtshylyqqa taratyldy.