Astanada jelilik park salynady
ASTANA. 13 jeltoqsan. QazAqparat - Astanada 2014-2016 jyldary jelilik park salý josparlanǵan.
Bul týraly astana.kz saıtyna búgin Astana qalasy máslıhatynyń kezekti otyrysynda belgili boldy.
Jelilik parkterdi jaıaý júrginshiler, velosıped (qysta shańǵy), salt atty serýen joldary, sporttyq saýyqtyrý maqsatynda júgirý úshin sý qoımalary men aǵyn sýlardyń janynda jasaǵan abzal. Jelilik parkterdiń ereksheligi - eni óte az (50 metrden 100-200 m deıin) jáne uzyndyǵy úlken (1-10 shaqyrymǵa deıin) bolady.
«Elorda halqyn mádenı demalys oryndarymen qamtamasyz etý maqsatynda «Ábý-Dabı Plaza» biregeı kesheniniń jáne EKSPO-2017 halyqaralyq kórmesin ótkizý alańynyń janynda jelilik park salý kózdelgen», - dep málimdedi qalalyq Ekonomıka jáne bıýdjettik josparlaý basqarmasynyń basshysy Janat Nurpeıisov óz sózinde.
Aıta keteıik, park aýmaǵy 11,3373 gektardy qurap, 75,5 myń sharshy metr jer kógaldandyrylady. «Budan basqa, 2014-2016 jyldary Esil ózeniniń boıyndaǵy parktiń qurylysy aıaqtalyp, qalalyq parkti qaıta qurý jumystary jalǵasady», - dedi astana.kz saıtyna J.Nurpeıisov.
