Astanada jeldetkish arqyly ondaǵan páterlerdi tonaǵan kúdikti ustaldy
ASTANA. QazAqparat - Saryarqa aýdandyq ІІB krımınaldy polıtsııa qyzmetkerleri jedel-izdestirý is-sharalaryn ótkizý barysynda jeldetkish arqyly urlyq jasaǵan 36 jasar Qaraǵandy qalasynyń turǵynyn quryqtady, dep habarlaıdy Astana qalasynyń ІІD-inen.
«Aýdandyq ІІB krımınaldy polıtsııa bólimi qyzmetkerleriniń aıtýynsha, kúdikti elorda turǵynyń páterine kirip, uıaly telefondardy urlap ketken. Qazirgi ýaqytta ol osyǵan uqsas onnan astam qylmys jasaýda kúdikti bolyp tabylady. Kóp jaǵdaıda jeldetkish arqyly kirgen urlyqshy birinshi qabatta ornalasqan páterlerdi tańdaǵandyqtan, olarǵa kirý asa qıyndyq týyndatpaǵan. Ustalǵan kúdiktiniń turatyn jerinen polıtseıler dálel zattardy - uıaly telefondar men planshetterdi tárkiledi», delingen habarlamada. Atalmysh fakti sotqa deıingi tergeýlerdiń biryńǵaı tizilimine tirkeldi. QR QK «urlyq» baby boıynsha sotqa deıingi óndiris júrgizilýde. Kúdikti tergeý oqshaýlaǵyshyna qamaldy. Oǵan qosa, kúdiktiniń basqa da osy sıpattaǵy qylmystarǵa qatysynyń bar-joǵy anyqtalýda.
